Las nautats de noveme sus ÒCtele [1]

[3]

ÒCtele, la purmèra cadena 100% en occitan !

Las nautats de noveme

E vos agradan los contes ? Descobritz “Un còp èra”, un navèth filme-documentari a l'entorn deus contes e contaires d'Occitània. Un viatge peu monde deus contes, de Gasconha dinc a Auvèrnha.

Après aver escotat istòrias, escotatz musicas tradicionaus d’Occitània e enlà au hestenau Asta’folk. Lo darrèr numèro d’Eveniments que presenta aqueth hestenau qui celebra las tradicions e l’obertura.

Enveja de mei de tranquillitat ? Espiatz los ausèths e autes animaus deu palud d’Òrcs en las Lanas. Ua resèrva naturau a descobrir dab eslhèves e Eva l'exploradora dens lo darrèr episòdi de Descobr’aquí.

Retrobatz tanben sus ÒCtele ua visita de Tarba, la capitala de Bigòrra aus pès de las Pireneas, tots los episòdis deu Banc, Los Secrets de Fred, comptinas peus mainats dab Som Som, desenhs animats dab la Familha Tais-Renard e mantuns programas de mei.

Bon visionatge !

Un còp èra - navèth filme-documentari

[4]

“Un còp èra” que presenta testimònis suus contes tradicionaus occitans de Gasconha, Auvèrnha, Lemosin e Lengadòc. Los contes que son ua obertura suu monde de l’imaginacion e ua faiçon de har passar la memòria. Que son un escambi entre lo contaire e los espectators.

E cric e crac, lo conte qu’ei acabat !

Dab Marie Coumes, Paulin Courtial, Isabelle Loubère, Florent Mercadier, Monica Burg, Patricia Heiniger-Casteret, Fèliç Daval, Cristian Omelhièr, Malika Verlaguet, Alan d’Abadia, David Bordes, Sèrgi Mauhourat e Thomas Baudoin.

Un filme realizat per Alexandre Cartigny. Ua coproduccion Saison 5 - ÒCtele dens l'encastre deu Contracte d'Objectius e de Mejans dab la Region Navèra-Aquitània. Dab lo sostien deu CNC e deu CIRDOC - Institut Occitan de Cultura.

Sous-titres en français disponibles !

Dinc au 24 de heurèr de 2024 sus octele.com [5]

Asta'folk - Eveniments

[6]

Asta’folk qu’ei un hestau de culturas tradicionaus qui’s debana a Astahòrt, en Brulhés e en país Agenés. Qu’i podem ausir musicas tradicionaus de Gasconha mes tanben deu monde : l’obertura sus las culturas qu’ei la clau d’aqueth eveniment. En aost de 2023, qu’estó la cinquau edicion d’Asta’folk, ua faiçon d’animar aquera comuna d'Òut e Garona.

Sous-titres en français disponibles !

Disponible sus Youtube [7] e octele.com [8]

Lo palud d'Òrcs - Descobr'aquí

[9]

Adishatz, descobritz dab Eva l’exploradora lo palud d’Òrcs, ua resèrva naturau e protegida en las Lanas. Qu’ei mei que mei la demorança de mantuas espècias com la grua, lo balbuzard, la tortuga d’estanh o l’arrat grondin. Alavetz, Géraldine Lafargue, ornitològa, que’ns presenta l’ostau Béziers, en carga de la gestion d’aqueth lòc unic. Un episòdi dab los eslhèves deu collègi de Sent Martin de Senhans.

Sous-titres en français disponibles !

Disponible sus Youtube [10] e octele.com [11]

Tarba - Vilas Occitanas

[12]

Visitatz era vila de Tarba, capitala de Bigòrra aus pès deras Pireneas. Descobritz eth jardin Massey, era Catedrala Nosta Dama dera Sèda, eth haràs nacionau, eth estadi Maurice-Trélut e era plaça Marcadiu. Ua visita d’aquera vila occitana deras Hautas Pireneas dab Clémentine Mur.

Disponible sus Youtube [13] e octele.com [14].